Kartöflugarðarnir í Selvík eru tilbúnir til þess að taka við kartöflum til ræktunar í sumar. Búið er að vinna garðinn og stika hann út. Nú er bara fyrir þá sem hafa verið með garð undanfarin ár að skella sér í Selvíkina og pota útsæðinu niður.

Svo ótrúlegt sem það er, þá er það engu að síður staðreynd, að verði frumvörp ríkisstjórnarinnar um breytingu á fiskveiðistjórnun að lögum, mun það hafa í för með sér stórfelld gjaldþrot og töp fjármálafyrirtækja upp á marga milljarðatugi. Það hlýtur að teljast einsdæmi að ríkisstjórn leggi fram tillögur að breytingum á starfsumhverfi helstu atvinnugreinar eins lands, sem leiðir til stórfelldra gjaldþrota.

Laugardaginn 28. apríl síðastliðinn var haldið námskeið í sérhæfðri endurlífgun (ILS) fyrir sjúkraflutningsmenn og hjúkrunarfræðinga á Heilbrigðisstofuninni á Blönduósi og luku 17 námskeiðinu. Með þátttöku sinni öðluðust þau réttindi frá Evrópsku endurlífgunarsamtökunum (ERC). Reyndir leiðbeinendur komu frá Sjúkraflutningsskólanum sáu um kennsluna.

Nemendur í 10. bekki Blönduskóla stóðu í ströngu í sólarhring nú nýverið. Þá var árlegt námsmaraþon, en það er hluti af fjáröflun bekkjarins sem og undirbúningur fyrir lokapróf sem hófust hjá þeim í gær.

Sveitarstjórn Húnaþings vestra fagnar ákvörðun velferðarráðherra, Guðbjarts Hannessonar að fjölga dagvistarrýmum við Heilbrigðisstofnun Vesturlands á Hvammstangar úr þremur í fimm. Sérlega ánægjulegt að þetta brýna hagsmunamál hafi fengið farsæla lausn segir í bókun sveitarstjórnar.

Sveitarfélagið Skagaströnd var rekið með 17,5 milljón króna hagnaði á síðasta ári. Önnur umræða um ársreiknings sveitarsjóðs og stofnana fór fram á fundi sveitarstjórnar Skagastandar þann 10. maí síðastliðinn og var ársreikningurinn samþykktur.

Hagsmunafélag smábátaeigenda á Blönduósi boðar til fundar laugardaginn 19. maí næstkomandi klukkan 15:00. Fundarstaður er Kiljan bar, Aðalgötu 2, á Blönduósi. Á fundinum fer fram umræða um byggðakvóta, hafnaraðstöðu, athugun með stofnun fiskvinnslu og fleira.

Vorsýning á verkum nemenda, sem þeir hafa unnið í vetur, fer fram í Nýja skóla miðvikudaginn 16. maí, frá kl. 16:00 – 19:00. Tískusýning kl. 17:15. Allir hjartanlega velkomnir, Nemendur og starfsfólk Blönduskóla

Hálfgert vetrarveður er nú á landinu. Í upplýsingum frá Vegagerðinni er varað við hálku í Húnavatnssýslum og á Holtavörðuheiði. Hálka er í Langadal, á Vatnsskarði og á Þverárfjalli.

Unnið er að staðfestingu aðalskipulags Blönduósbæjar, Húnavatnashrepps og Sveitarfélagsins Skagafjarðar í umhverfisráðuneytinu, að því er fram kemur í svari umhverfisráðherra við fyrirspurn Telmu Magnúsdóttur varaþingmanns Vinstri grænna.

Laugardagskvöldið 19. maí nk. verður söngskemmtun í Menningarhúsinu Miðgarði þar sem Karlakór Dalvíkur ásamt Matta Matt syngja helstu lög hljómsveitanna The Beatles og Queen.

Söngtónleikarnir - Við eigum samleið - verða verða haldnir í Hólaneskirkju á Skagaströnd laugardaginn 19. maí klukkan 15:00. Einsöngvari er Ingunn Sigurðardóttir sópran og undirleikari á píanó er Renata Ivan. Kaffiveitingar verða að tónleikum loknum.

Björgunarfélagið Blanda var kölluð til aðstoðar vegfarendum á Þverárfjalli á laugardaginn. Veðrið á fjallinu var afleitt, lélegt skyggni og snjór á vegi. Vel gekk að aðstoða vegfarendur sem komust leiðar sinnar og varð engum meint af.

Nú eru úrslitin klár í Getraunaleik Hvatar þetta vorið en Meistaradeildinni og Uefa-cup lauk um síðustu helgina og Blöndubikarinn um þessa helgi. Sigurvegari í Meistaradeild er Sprotacus með 56 stig en það lið var með jafnmörg stig og liðið The Busby Boys en Sportacus var með fleiri útisigra rétta í deildinni.