Apríl 2024 | ||||||
S | M | Þ | M | F | L | |
31 | 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | 1 | 2 | 3 | 4 |
Fyrri | Núna | Næsti |
Holtavörðuh. | 22:18 | 0 | 0°C |
Laxárdalsh. | 22:18 | 0 | 0°C |
Vatnsskarð | 22:18 | 0 | 0°C |
Þverárfjall | 22:18 | 0 | 0°C |
Kjalarnes | 22:18 | 0 | 0°C |
Hafnarfjall | 22:18 | 0 | 0°C |
13. apríl 2024 Klúðrið er víðaKlúðrið og bullið er víða í samfélaginu okkar og er af mörgu að taka. Ætla ég að nefna aðeins nokkur atriði. Landsbankaklúðrið í kringum kaupin á TM. Alveg er það merkilegt þegar embættis- menn telja sig geta tekið ákvarðanir um hvað sem þeim dettur í hug. ::Lesa |
Ég bara varð að lesa viðtal við Magnús Ólafsson en það var í Feyki sem barst inn um lúguna mína á föstudaginn. Fyrirsögnin „Eigum við að tala um lífsgleðina?“ hreinlega kallaði á mig og auðvitað las ég viðtalið, enda átti ég ekki von á öðru en að það yrði gleðileg athöfn – sem það og varð.
Í kjölfarið fór ég að hugsa um hvað það er mikið léttara, tala nú ekki um hvað það er skemmtilegra að vera í kringum fólk sem er lífsglatt og létt í lund en þá sem eru það ekki.
Sumir segja að það sé hreinlega val hvort maður sé jákvæður og sjái það jákvæða og skemmtilega í tilverunni eða ekki. Þessi klassíska spurning um hvort glasið sé hálffullt eða hálftómt verður á vegi okkar á hverjum degi og það er í okkar valdi á hvorn veginn við horfum á glasið góða. Ég ætla að reyna að sjá ávallt þetta hálffulla glas, ég vel það.
Það verður stundum á vegi mínum fólk sem skilur ekki af hverju ég vel að búa á Blönduósi, viðkomandi sjá ekki kostina sem ég sé. Viðkomandi horfa á Blönduós sem hálftómt glas, og líklega er vökvinn í glasinu ekki spennandi kostur í augum þessa fólks.
Ég met stöðuna þannig að með búsetu minni hér auki ég lífsgleði mína og –gæði. Ég horfi til dæmis á umhverfið í næsta nágrenni mínu, hér eru endalausir möguleikar á dásemdar gönguleiðum, endurnærandi og eflandi. Hvort sem fólk vill ganga á fjöll, um dali, um holt og hæðir eða bara um bæinn þá eru valmöguleikarnir ótalmargir. Einhverjir vilja fara um svæðið á hestum og Húnavatnssýslur eru, er mér sagt, alveg tilvaldar til slíkra ferða.
Svo eru hér góðir skólar; – leik- grunn- og framhaldsskóli. Nemendur þessara skóla eru almennt lífsglaðir og ánægðir með lífið og ná þeim árangri sem þá langar. Ég var nýverið viðstödd umræðu um fólk héðan sem náð hefur langt í lífinu – fólk sem er frábær fyrirmynd ungra Húnvetninga og við þyrftum að „auglýsa“ með einhverjum hætti. Listinn var bara nokkuð langur en langt frá því tæmandi. Aldrei að vita hvað gert verður með þessa hugmynd því allir þurfa jú góðar fyrirmyndir og ekki er verra ef þær koma úr heimabyggð.
Það er auðvitað fleira jákvætt við svæðið okkar en útivistarmöguleikar og skólar. Hér eru líka einstök fyrirtæki og stofnanir á landsvísu. Má sem dæmi nefna Léttitækni, Vilkó og Prima krydd, Ísgel, Heimilisiðnaðarsafnið og Textílsetur Íslands svo eitthvað sé nefnt. Við höfum líka aðgang að fjölbreyttri afþreyingu; listasýningum, kórskemmtunum, leiksýningum, spilakvöldum og fjölbreyttum uppákomum á vegum skólanna.
Og svo verð ég bara að koma hér að þeim þætti sem ég tel að auki lífsgæði íbúa svæðisins einna mest og þar er ég að sjálfsögðu með talin. Þetta er Íþróttamiðstöðin okkar og sundlaugin. Ég þreytist ekki á því að dásama þessa stofnun og þá þjónustu sem við höfum þar. Sem betur fer erum við mörg dugleg að nýta þessa dásemd og vonandi verðum við enn fleiri og enn duglegri eftir því sem tíminn líður. Hér býðst fjölbreytt þjálfun og þeir sem hér vilja stunda heilsurækt hafa góða möguleika á að finna sér eitthvað við hæfi. Allt til að auka lífsgleði okkar og lífsgæði.
Það kom að því að ég yrði sammála Nöldra nágranna mínum – við erum sammála um að val á manni ársins hér á Húnahorninu hafi verið vel heppnað í ár eins og áður. Myndirnar sem Róbert Daníel tekur af svæðinu okkar og deilir til þeirra sem vilja njóta hafa svo sannarlega glatt marga og auglýst sýsluna á jákvæðan hátt. Ég er afar þakklát í hvert skipti sem ég sé og/eða les eitthvað jákvætt um heimaslóðirnar því það eru svo margir sem velja það að tala þær niður. Er þetta ekki alltaf spurning um val?
Ég veit ekki með ykkur en mér finnst glasið mitt vera hálffullt og er bara nokkuð sátt við það. Áfram lífsgleði og áfram við.
Fréttir | 18. apríl 2024 - kl. 20:37
Húnaþing vestra og Leigufélagið Bríet hafa undirritað viljayfirlýsingu um uppbyggingu leiguíbúða í Húnaþingi vestra. Í yfirlýsingunni lýsa aðilar yfir vilja til samstarfs um uppbyggingu leiguíbúða í sveitarfélaginu auk þess sem Húnaþing vestra leggur til íbúðir í sinni eigu í gegnum svokölluð yfirtökuverkefni. Viljayfirlýsing þessi kemur til viðbótar samkomulagi sem undirritað var á dögunum milli innviðaráðuneytis, Húnaþings vestra og HMS um uppbyggingu allt að 50 íbúða til sölu og leigu á næstu fimm árum.
|
Fréttir | 18. apríl 2024 - kl. 20:23
Árleg kökukeppni Undirheima, sem er félagsmiðstöð fyrir unglinga í Höfðaskóla, var haldin í gærkvöldi. Keppendur voru tólf talsins og voru tveir til þrír saman í hóp. Skreyta þurfti kökurnar á staðnum og höfðu keppendur 60 mínútur til þess að ljúka verkinu. Að því loknu valdi þriggja manna dómnefnd þrjú efstu sætin sem frumlegustu kökuna, besta bragðið og fallegustu kökuna. Að hennar sögn var valið ekki auðvelt. Sagt er frá þessu á vef Skagastrandar.
|
Fréttir | 18. apríl 2024 - kl. 06:05
Lið Grunnskóla Húnaþings vestra er komið í úrslit Skólahreysti en keppt var í Laugardagshöll og sýnt beint á RÚV. Liðið stóð sig frábærlega og sigraði riðilinn sinn. Úrslitakeppnin fer fram 25. maí næstkomandi. Lið Grunnskóla Húnaþings vestra skipa þau Friðrik Hrafn Hannesson, Saga Ísey Þorsteinsdóttir, Victor Þór Sigurbjörnsson, Nóa Sophia Ásgeirsdóttir, Indriði Rökkvi Ragnarsson og Victoría Elma Vignisdóttir.
|
Fréttir | 18. apríl 2024 - kl. 05:59
Viðbragðsaðilar á Norðurlandi vestra stefna á að halda hópslysaæfingu 11. maí næstkomandi. Hluti hópsins hittist á Blönduósi í fyrradag og æfðu viðbragð við flugslysi og rútuslysi, þar sem settar voru upp tvær borðæfingar. Æfingarnar eru undirbúningur fyrir stóru æfinguna í maí og er samvinna lykilinn að góðri útkomu, eins og segir á facebooksíðu Lögreglunnar á Norðurlandi vestra. „Samhæft viðbragð skilar betri þjónustu til borgaranna.“
|
Fréttir | 17. apríl 2024 - kl. 06:10
Sigríður Ỏlafsdóttir úr Húnaþingi vestra var endurkjörin formaður kjördæmisráðs Sjálfstæðisflokksins í Norðvesturkjördæmi en ráðið hélt aðalfund sinn á Laugum í Sælingsdal um síðustu helgi. Á fundinum var samþykkt stjórnmálaályktun þar sem meðal annars er komið inn á að atvinnufrelsi og eignarréttur sé órjúfanlegur hluti frjáls samfélags og forsenda þess að hægt sé að tryggja jöfn tækifæri í landinu.
|
Fréttir | 16. apríl 2024 - kl. 14:48
Tilkynning frá Háskólanum á Hólum
Háskólinn á Hólum hlýtur Byggðagleraugu Samtaka sveitarfélaga á Norðurlandi vestra fyrir framsækið og metnaðarfullt starf. Námið við háskólann er sértækt að því leyti að það byggir á traustum grunni fyrir mikilvægar framtíðar atvinnugreinar í samfélaginu þar á meðal íslenska hestinn, ferðaþjónustu í dreifbýli og fiskeldi, en skólinn hefur dregið til sín nemendur víðsvegar að úr heiminum. Í Háskólanum á Hólum er öflugt háskólastarf sem er í stöðugum vexti og nýsköpun.
|
Fréttir | 16. apríl 2024 - kl. 05:32
Sveitarfélagið Skagaströnd heldur íbúafund í Fellsborg miðvikudaginn 17. apríl klukkan 17:00. Á dagskrá eru fjölmörg mál eins og staðan á hafnarframkvæmdum, breyting á námsstofu, sorpmál, vinnuskóli, gjaldskrár og kjarasamningar.
|
Fréttir | 16. apríl 2024 - kl. 05:27
Sr. Sigríður Gunnarsdóttir sóknarprestur í Skagafjarðarprestakalli hefur verið skipuð prófastur í Húnavatns- og Skagafjarðarprófastsdæmi. Hún tekur við af sr. Döllu Þórðardóttur á Miklabæ, sem lét af störfum 1. desember síðastliðinn. Frá þeim tíma hefur sr. Gísli Gunnarsson vígslubiskup á Hólum gegnt prófstsstörfum.
|
Tilkynningar | 16. apríl 2024 - kl. 05:17
Frá Félagi eldri borgara í Húnaþingi vestra
Aðalfundur Félags eldri borgara í Húnaþingi vestra verður haldinn miðvikudaginn 17. apríl 2024 klukkan 14:00 í Félagsheimilinu á Hvammstanga. Á dagskrá eru venjuleg aðalfundarstörf, skýrsla og tillögur ferðanefndar og margt fleira. Unnur Valborg Hilmarsdóttir sveitarstjóri verður gestur fundarins. Kaffiveitingar að hætti kaffinefndar. Nýir félagar ávallt velkomnir.
|
Tilkynningar | 16. apríl 2024 - kl. 05:13
Frá stjórn
Aðalfundur Hollvinasamtaka heilbrigðisstofnunarinnar á Blönduósi verður haldinn í fundarsal HSB föstudaginn 26. apríl næstkomandi klukkan 16.00.
Dagskrá: Venjuleg aðalfundarstörf.
|
Fréttir | 15. apríl 2024 - kl. 09:43
Knattspyrnulið Kormáks Hvatar mætti í Fífuna í Kópavogi í gær og spilaði gegn Augnabliki í 2. umferð Mjólkurbikarsins. Leikurinn fór fjörlega af stað og vel fyrir gestina því Papa Diounkou Tecagne skoraði fyrsta mark leiksins á 9. mínútu. Heimamenn voru ekki lengi að svara með marki á 13. mínútu og öðru marki á 31. mínútu. Staðan í hálfleik 2-1 fyrir Augnablik. Í seinni hálfleik voru skoruð fjögur mörk, þrjú af heimamönnum og einn af gestunum, en það gerði Kristinn Bjarni Andrason. Leikurinn endaði því 5-2 fyrir Augnablik.
|
Pistlar | 14. apríl 2024 - kl. 17:16
Eftir Inga Heiðmar Jónsson
Úr dagbók Jónasar Tryggvasonar í Finnstungu fyrir 79 árum: Sun. 8. apríl 1945: Bar lítið til tíðinda. Skagfirska skáldkonan Ỏlína Jónasdóttir er sextug í dag. Vísur hennar eru löngu landfleygar og á hvers manns vörum, þess er yndi hefur af snilld fagurrar stöku. Ég hef ekki, svo ég muni til, heyrt vísu eftir Ỏlínu, sem ekki hafi verið vel gerð, en meiri eða minni snilldarbragur er á þeim flestum ...
|
Pistlar | 13. apríl 2024 - kl. 16:15
Eftir / Written af / by Morgan C. Bresko
Þegar við hugsum um leiðir til að bæta heilsu samfélagsins þá hugsum við ekki alltaf um aðgengi að listum. En þegar við hugsum um það þá eru listir ein tegund tilfinningatjáningar. Hvort sem það er hamingja eða örvænting þá er það nauðsynlegt að hafa útrás til að nálgast tilfinningar á heilbrigðan og öruggan hátt. Samfélög sem styðja við listir, koma saman til að skapa list saman, hafa sýnt sig að vera tengdari
|
Fréttir | 13. apríl 2024 - kl. 10:27
Þrítugasta og annað ársþing Samtaka sveitarfélaga á Norðurlandi vestra var haldið á fimmtudaginn í Félagsheimilinu á Blönduósi og heppnaðist vel, að því er segir á vef samtakanna. Góð mæting var á þingið en á meðal gesta voru kjörnir fulltrúar á Norðurlandi vestra og formaður Sambands íslenskra sveitarfélaga. Fjölbreytt og áhugaverð erindi voru flutt og ný samgöngu- og innviðaáætlun kynnt. Fram kemur á vef SSNV að frekari upplýsinga er að vænta um það sem fram fór á þinginu.
|
02. apríl 2023 Sjö leiðir til að létta þér þrifin í vor og sumarNú er vorið komið og sumarið framundan og þá er ekki úr vegi að koma með nokkur góð húsræða. ::Lesa |
03. febrúar 2023 Á ferðalagiGuðmundur var að spjalla við Tóta, bróður sinn í Kaliforníu. ::Lesa |