„Hvers vegna fara allir á Alþingi að tala um landsbyggðarmál svona rétt fyrir kosningar og telja svo núna upp allt sem þarf að gera“, spurði glöggur 16 ára bróðursonur minn. Þessi frændi minn fær ekki að kjósa í þessum kosningum en fylgist þó vel með stjórnmálaumræðunni. Hann bætti síðan við: „Hvers vegna er þá ekki búið að gera neitt af þessu á kjörtímabilinu? Eru byggðamál eitthvað sem gleymdist að tala um á Alþingi nema rétt fyrir kosningar og svo búið.?“ Ég get ekki annað sagt en ég sé sammála þessum unga frænda mínum. Ég benti honum þó á að það dugi lítt að tala í þingsal þar sem valdið til framkvæmda liggur hjá ráðherrum og ríkisstjórn að miklu leyti. Ãžað eru jú verkin sem tala. VG hefur Ã¡tt sterka landsbyggðarþingmenn og ráðherra sem hafa getað beitt sér.

Baráttumálin er skýr: Vegirnir, einbreiðu brýrnar, heilbrigðismálin, menntamálin, náttúrvernd, atvinnumálin, kjör aldraðra á landsbyggðinni, tækifæri og jöfnun lífskjara óháð búsetu.

Þetta eru mín baráttu mál eins og fólk þekkir. 

Vinsæl og öflugur formaður

Formaður flokksins – Katrín Jakobsdóttir – nýtur virðingar og trausts langt út fyrir raðir flokksfélaga VG. Sterk staða Katrínar kom glögglega í ljós við umræður manna á meðal fyrir forsetakosningarnar í sumar þar sem fjöldi fólks skoraði á hana í framboð. Ég held að það megi fullyrða að Katrín sé sá stjórnmálaforingi sem flestir landsmenn treysta og vilja sjá sem forsætisráðherra að kosningum loknum. Allt fellur þetta að sama ósi. Vinstrihreyfingin grænt framboð er í kjöraðstöðu til þess að verða leiðandi aðili í næstu ríkisstjórn.

Hagsmunir hinna dreifðu byggða eru mál, sem við höfum ávallt lagt áherslu á, en stundum – því miður oft fyrir daufum eyrum. Ég treysti mér til þess að bera hagamunamál svæðisins,  kjördæmisins og allrar landsbyggðarinnar upp á löggjafarsamkomu þjóðarinnar.

Við þurfum félagshyggjustjórn – sem er aðeins möguleg með VG sem forystuafl.

Baráttusætið í augsýn

VG er í sókn og við í þessu kjördæmi eigum góða möguleika á tveim alþingismönnum  eins og síðasta skoðanakönnun Gallup bendir á og kjördæmakönnun Stöðvar 2.

Ég skipa baráttusætið og hef verið félagi í VG frá stofnun, í forystu á vettvangi sveitarstjórna og landshlutasamtaka, unnið að hagsmunamálum landsbyggðarinnar, farið víða um í kjördæminu og þekki því vel til mála. 

Með góðum stuðningi er baráttusætið í augsýn.

Bjarni Jónsson skipar 2. sætið hjá VG í Norðvesturkjördæmi