Til baka
| Apríl 2024 | ||||||
| S | M | Þ | M | F | L | |
| 31 | 1 | 2 | 3 | 4 | 5 | 6 |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 1 | 2 | 3 | 4 |
| Fyrri | Núna | Næsti | ||||
| Holtavörðuh. | 16:50 | 0 | 0°C |
| Laxárdalsh. | 16:50 | 0 | 0°C |
| Vatnsskarð | 16:50 | 0 | 0°C |
| Þverárfjall | 16:50 | 0 | 0°C |
| Kjalarnes | 16:50 | 0 | 0°C |
| Hafnarfjall | 16:50 | 0 | 0°C |
13. apríl 2024 Klúðrið er víðaKlúðrið og bullið er víða í samfélaginu okkar og er af mörgu að taka. Ætla ég að nefna aðeins nokkur atriði. Landsbankaklúðrið í kringum kaupin á TM. Alveg er það merkilegt þegar embættis- menn telja sig geta tekið ákvarðanir um hvað sem þeim dettur í hug. ::Lesa |
Björtustu dagar ársins eru að sigla inn í sumardýrðina og Sigrún frá Litladal rabbar við vorið í nýju ljóðabókinni sinni:
Loksins sé ég ljóma þinn
og litlu grænu spor
finnurðu ekki fögnuð minn
feimna ljósa vor.
Komdu og vektu vallarblóm
vötnin silfurblá
kveiktu í lofti klukknahljóm
kalla úr moldu strá.
Allri heimsins fuglafjöld
fagna undurhljótt
vertu hjá mér eina öld
unga, bjarta nótt. SH
Annar snillingur sem býr heima við flóann bláa yrkir einnig vers um vor:
Vorið kveikir villta þrá,
vetrar feykir helsi.
Þorið eykur öllum hjá,
örvar leik og frelsi. RK
Á prestsetrinu forna, Hofi á Skagaströnd, fæddist Jón Árnason 17. ágúst 1819. Þar verður haldinn messudagur sunnudaginn 21. ágúst með samstarfi sóknarnefndar og Húnaflóa vísnavefs. Sóknarprestur, Bryndís Valbjarnardóttir, predikar en vefurinn leggur til organista. Messukaffi verður í Skagabúð eftir athöfnina.
Messutíminn er valinn til að minnast fæðingardags þjóðsagnasafnarans ötula, en annar Húnvetningur minnist hans vel í ævisögu sinni; Halldóra Bjarnadóttir, sem dvaldi á heimili Jóns í Reykjavík eftir skilnað foreldra sinna. Messan verður auglýst þegar nær dregur.
Á Kaldrana bjó skáld sem fæddist hálfri öld fyrr en prestsonurinn Jón frá Hofi, stundaði sjó og smíðaði vísur sem urðu uppistaða í söguþátt Magnúsar á Syðra-Hóli af áðurnefndu skáldi. Hreggviður Eiríksson hét skáldið og vísurnar sem geymast úr smiðju hans snúast meira um veðurútlit og sjóferðir en sumarblíðu. Hafís í ágústmánuði kallar Hreggviður meinvætti:
Það vankætti þjóð um sinn
þá meinvættið rak hér inn
á engjaslætti illskiptinn,
ekkert bætti heyskapinn. HE
Þjóðskáldið frá Laxnesi kallaði sig blekbónda en skáldið á Skaga sest undir penna þegar hann grípur til stuðlavísdóm síns, rétt eins og dalabóndinn sest undir kúna sína við mjaltir:
Hvergi staður brims við bú
brags má kenna lestur.
Alvaknaður er ég nú
undir penna sestur. HE
Vísað er til:
Sigrún Haraldsdóttir: Hvítir veggir Rv. 2015
Loksins sé ég ljóma þinn: http://bragi.info/hunafloi/ljod.php?ID=5165
Rúnar Kristjánsson: http://bragi.info/hunafloi/visur.php?VID=18055
Ævisaga HB: http://stikill.123.is/blog/2014/12/02/halldora-bjarnadottir-segir-fra-joni-franda-s/
Ævisaga HB/Háagerðishjón: http://stikill.123.is/blog/2016/06/28/750999/
Hreggviður á Kaldrana: http://bragi.info/hunafloi/hofundur.php?ID=16585
Ingi Heiðmar Jónsson
Prenta
02. apríl 2023 Sjö leiðir til að létta þér þrifin í vor og sumarNú er vorið komið og sumarið framundan og þá er ekki úr vegi að koma með nokkur góð húsræða. ::Lesa |
03. febrúar 2023 Á ferðalagiGuðmundur var að spjalla við Tóta, bróður sinn í Kaliforníu. ::Lesa |