Gærurnar, sem er hópur kvenna sem heldur úti nytjamarkaði á Hvammstanga, komu færandi hendi í Húnabúð í gærmorgun þegar Flugeldabúðin opnaði. Færðu þær Björgunarsveitinni Húnum 200.000 króna styrk fyrir störf þeirra í þágu samfélagsins í óveðrinu í desember. Á Facebook síðu Húna eru Gærunum færðar bestu þakkir fyrir stuðninginn, sem hvetur sveitina áfram að halda úti sjálfboðaliðsstarfi sínu.