![Bessi Gunnarsson með þorskinn. Mynd: FB/Skagastrandarhöfn](files/515/small/20240523094635dc2c1e9f8db524e3bce3e9b2cf147ce7.jpg#34)
Bessi Gunnarsson með þorskinn. Mynd: FB/Skagastrandarhöfn
Fréttir | 23. maí 2024 - kl. 09:45
Hann er engin smásmíði þorskurinn sem veiddist í Húnaflóa nýverið og sjá má á facebooksíðu Skagastrandarhafnar. Það var Bessi Gunnarsson á Blæ HU-77 sem veiddi fiskinn á handfæri í Gjánni, sem er sirka 30 mílur frá Skagaströnd og vó hann 44 kíló. Samkvæmt Vísindavefnum er lengsti þorskur sem veiðst hefur við Ísland um 181 sentimetrar og veiddist hann við Miðnessjó í apríl árið 1941. Þyngdin er ekki til en talið er líklegt að hann hafi verið í kringum 60 kíló.