Öll viljum við hafa snyrtilegt í kringum okkur og vinnuumhverfið er engin undantekning. Að hafa snyrtilegt t.d. á skrifstofunni er líklegt til að auka ánægju starfsfólks og þar með vinnusemi þess og gæði. Það er ekki flókið að hafa skrifstofuna huggulega og vel þrifna. Allt sem þarf er smá útsjónarsemi, gott skipulag og kannski líka nokkrar einfaldar umgengnisreglur.

Til dæmis er hægt að fjarlægja ruslatunnur frá skrifborðum og setja upp flokkunartunnur. Sumstaðar er hægt að hafa það sem umgengnisreglu að starfsfólk fari úr skóm á skilgreindu svæði og noti inniskó. Það minnkar að óhreinindi berist um alla skrifstofuna. Mottur eru nytsamlegast, t.d. í anddyri eða þar sem ágangur er mestur. Þær draga í sig óhreinindi. Nauðsynlegt er þó að þrífa motturnar reglulega. Sniðugt er að setja tuskur í skrifboðsskúffur starfsfólks eða á skilgreind svæði. Þannig getur starfsfólk gripið í þær og jafnvel hreinsiefni með þægilegu móti og þrifið sjálft í kringum sig. Að lokum er góð regla að ganga frá eftir sig á sínu starfssvæði í lok hvers vinnudags, t.d. á skrifborðinu, fara með bolla í uppþvotta vélina (ekki bara í vaskinn) og henda pappír í flokkunartunnu.

Einmitt, þetta þarf ekki að vera flókið.