|
21:33 |
16. maí 2024 |
Valdimar ráðinn sveitarstjóri á ný
Valdimar O. Hermannsson, fyrrverandi sveitarstjóri Blönduósbæjar, hefur verið ráðinn sveitarstjóri Vopnafjarðarhrepps út kjörtímabilið. Valdimar var sveitarstjóri Blönduósbæjar árin 2018-2022 og starfaði síðan einnig tímabundið fyrir Húnabyggð sem staðgengill sveitarstjóra. Alls sóttu 17 um starf sveitarstjóra Vopnafjarðarhrepps en fjórir voru boðaðir í viðtöl og að lokum var Valdimar ráðinn. |
|
21:22 |
16. maí 2024 |
Skólaslit Tónlistarskóla Austur-Húnvetninga
Átján nemendur luku stigs- og áfangaprófum frá Tónlistarskóla Austur-Húnvetninga og átta nemendur luku grunnprófi þetta vorið en skólaslit fóru fram í Blönduóskirkju í gær. Skólinn hefur undanfarnar vikur haldið ferna tónleika á Blönduósi og Skagaströnd sem hafa tekist afskaplega vel. Skólaslitin eru í fyrra fallinu þetta ári þar sem nokkrir nemendur halda af stað erlendis í skólaferðalög í næstu vikur, að því er segir á vef skólans. |
|
11:05 |
16. maí 2024 |
Veiðifélög í Húnavatnssýslum gera athugasemdir við frumvarp til laga um lagareldi
Veiðifélag Blöndu og Svartár telur að banna þurfi notkun á frjóum laxi í sjókvíaeldi. Erfðablöndun sé langhættulegasta og varanlegasta afleiðing sjókvíaeldis á villta laxastofna. Félagið telur að herða þurfi reglur um strok og að afleiðingar þess þurfi að vera miklar. Þá þurfi að herða reglur um lús þannig að villtum stofnum stafi ekki hætta af. Þetta er á meðal athugasemda sem félagið gerir í umsögn við frumvarp matvælaráðherra til laga um lagareldi sem nú er til meðferðar hjá atvinnuveganefnd. |
|
07:13 |
16. maí 2024 |
Áhugakonur um golfíþróttina hittast í Glaðheimum
Áhugakonur um golfíþróttina ætla að hittast í Glaðheimum í dag fimmtudaginn 16. maí kl. 17:00. Allar áhugasamar eru velkomnar og takið vinkonur ykkar með. |
|
13:26 |
15. maí 2024 |
Jón Gnarr forsetaframbjóðandi á faraldsfæti
Jón Gnarr forsetaframbjóðandi og fyrrverandi borgarstjóri Reykjavíkur heimsækir Blönduós, Borgarnes, Sauðárkrók, Stykkishólm og Akranes á næstu dögum. Jón verður Hótel Blönduósi laugardaginn 18. maí klukkan 11 og býður öllum áhugasömum í spjall. Sama dag verður hann í Sauðárkróksbakaríi klukkan 14. Allir eru velkomnir. |
|
09:34 |
15. maí 2024 |
Fjölmenn hópslysaæfing við Blönduós
Viðbragðsaðilar á Norðurlandi vestra héldu hópslysaæfingu við Blönduós um síðustu helgi og tóku um 200 manns þátt þar sem æfð voru viðbrögð við fjölmennu slysi. Gerður var tilbúinn vettvangur rétt ofan við Blönduós þar sem hópbifreið hafði lent í árekstri við þrjár fólksbifreiðar. Eldur var í einum bílnum og nota þurfti klippur til að ná slösuðum úr tveimur þeirra. Söfnunarsvæði slasaðra var í Íþróttamiðstöðinni á Blönduósi, sem er skilgreind fjöldahjálparstöð. |
|
14:51 |
14. maí 2024 |
Skógræktarfélag Austur-Húnvetninga 80 ára
Skógræktarfélag Austur-Húnvetninga er 80 ára í dag, 14. maí. Félagið var stofnað lýðveldisárið 1944 á Blönduósi og hefur vaxið og dafnað með héraðsbúum í skjóli stækkandi skóga. Í tilefni dagsins gróðursettu Pétur Bergþór Arason, sveitarstjóri Húnabyggðar og Páll Ingþór Kristinsson, formaður félagsins fyrstu greniplönturnar sem eru gjöf frá skógræktarfélaginu til íbúa. |
|
14:18 |
14. maí 2024 |
Kosningar um sameiningu Húnabyggðar og Skagabyggðar
Á heimasíðum Húnabyggðar og Skagabyggðar má finna tilkynningu um kosningar um sameiningu sveitarfélaganna. Boðað er til íbúakosninga á grundvelli 119. gr. sveitarstjórnarlaga um sameiningu sveitarfélaga en sveitarstjórnir beggja sveitarfélaga hafa fjallað um álit samstarfsnefndar á grundvelli greinargerðar sem nefndin vann um sameiningu sveitarfélaganna. |
|
10:56 |
14. maí 2024 |
Bestu þakkir til Björns Þórs og Söndru á B&S
Frá gullborgurum Húnabyggðar
Við gullborgarar viljum þakka þeim Birni Þór og Söndru eigendum B&S hjartanlega fyrir boð í fiskihlaðborð á veitingastað þeirra. þann 9. maí sl. Gullborgurum Húnabyggðar var öllum boðið í mat og gátum þeir um leið styrkt uppbyggingu salernis fyrir fatlaða í Blönduóskirkju með frjálsum framlögum. Virkilega verðugt verkefni. Þarna var fjölmenni að vanda og ekki í fyrsta skipti sem þessi hjón gleðja eldriborgarana. |
|
10:54 |
14. maí 2024 |
Atkvæðagreiðsla utan kjörfundar vegna forsetakjörs 1. júní 2024
Frá sýslumanninum á Norðurlandi vestra
Utankjörfundaratkvæðagreiðsla vegna forsetakjörs þann 1. júní 2024 er hafin. Greiða má atkvæði utan kjörfundar á kjörstöðum innan umdæmisins sem hér segir: Blönduósi, aðalskrifstofu, Hnjúkabyggð 33, Blönduósi, virka daga, kl. 09:00 - 15:00. Sauðárkróki, sýsluskrifstofu, Suðurgötu 1, Sauðárkróki, virka daga, kl. 09:00 - 15:00.
Hvammstanga, ráðhúsi Húnaþings vestra að Hvammstangabraut 5, Hvammstanga, mán - fim kl. 09:00 - 16:00 og fös kl. 09:00 - 12:00. Skagaströnd, stjórnsýsluhúsi að Túnbraut 1-3, Skagaströnd, virka daga kl. 10:00 - 12:00 og 13:00 - 15:00. |
|
14:44 |
13. maí 2024 |
Tvöhundruð þúsund söfnuðust á fiskhlaðborði
Rúmar 200 þúsund krónur söfnuðust á fiskhlaðborði B&S Restaurant sem haldið var 9. maí síðastliðinn fyrir eldri borgara í Húnabyggð, 70 ára og eldri. Björn Þór og Sandra, eigendur B&S, buðu eldri borgurum á hlaðborðið og á staðnum var hægt að leggja fram frjáls framlög sem runnu til viðhalds Blönduóskirkju og uppsetningu á hreinlætisaðstöðu. Eldri borgarar fjölmenntu á hlaðborðið og nutu veitinga Björn Þórs og Söndru auk þess sem að Skarphéðinn og Benni stýrðu fjöldasöng. |
|
12:58 |
13. maí 2024 |
Opnun skotíþróttasvæðisins
Frá Skotfélaginu Markviss
Þá er alveg að koma að því! Sumaropnun á skotíþróttasvæði Markviss verður á miðvikudagskvöldum frá 19.30-21.00. Fyrsta opnunarkvöld verður 22 maí. Á haglavöllum verður Sporting og Skeet í fyrirrúmi,og svo verður riffilbrautin að sjálfsögðu opin. Allir velkomnir,hvort sem er til að skjóta úr gamla Brno eða bara kíkja í kaffi og spjall. |
|
12:04 |
13. maí 2024 |
Eldri borgarar stóðu sig vel á boccia-móti
Félag eldri borgara í Húnaþingi vestra sendi þrjár þriggja manna sveitir, undir styrkri stjórn Flemmings Jessen á Vesturlandsmótið í boccia sem haldið var í Ỏlafsvík á föstudaginn. Alls tóku 20 sveitir þátt í mótinu og komu þær frá Akranesi, Mosfellsbæ, Borgarnesi, Stykkishólmi, Grundarfirði, Snæfellsbæ og Hvammstanga. Á facebooksíðu Félags eldri borgara í Húnaþingi vestra kemur fram að í fyrsta skipti náði lið félagsins að vinna sinn riðil og komast í úrslit. Liðið endað í 4. til 6. sæti. |
|
09:19 |
13. maí 2024 |
Reiðufé fannst í Húnabyggð
Lögreglan á Norðurlandi vestra segir frá því á facebooksíðu sinni að reiðifé hafi fundist í Húnabyggð fyrir skemmstu. Ekki sé unnt að veita frekari upplýsingar um hið fundna reiðufé en í samræmi við rótgróna réttarheimild um meðferð á fundnu fé í kaupstöðum geti eigandinn vitja fjárins á lögregluvarðstofunni á Blönduósi. Réttarheimildin sem vísað er til er opið bréf frá kansellíinu og er frá árinu 1811. |
|
09:10 |
13. maí 2024 |
SSV í heimsókn á Norðurlandi vestra
Fulltrúar Samtaka sveitarfélaga á Vesturlandi heimsóttu systursamtök sín á Norðurlandi vestra í síðustu viku. Fyrst var farið í Skagafjörðinn þar sem Byggðastofnun var heimsótt og síðan fékk hópurinn kynning á tveimur nýsköpunarverkefnum á Norðurlandi vestra. Daginn eftir var farið yfir í Húnavatnssýslur og þar fékk hópurinn kynningu á uppbyggingunni í gamla bænum. Á Hvammstanga fór fram vinnustofu þar sem rædd voru verkefni landshlutasamtakanna tveggja og gerð nýrrar sóknaráætlunar. |
Til baka
Loka
Prenta
